Ndryshe nga markat e tjera që e kanë hapur shfaqjen e tyre në Javët e Modës, me supermodelet si Bella, Gigi Hadid, e shumë të tjera, mbrëmjen e djeshme shfaqja e “Balenciaga-s” në Javën e Modës në Paris ka zgjedhur Kanye West, për hapjen e tyre.
Reperi amerikan mbante veshur një veshje tërësisht të zezë me një jelek roje sigurie dhe një xhup të zi teksa ecte nëpër pistën me baltë.
Kanye gjithmonë ka surprizuar me stilin e tij, por këtë herë ai ka shqetësuar fansat pasi është shfaqur me bluzë të gjakosur dhe shenja në fytyrë.
Fatmirësisht, pamja e tij e lënduar ishte e gjitha për shfaqjen e “Balenciaga-s”.
Kjo dukje e tij ngjalli reagimin e fansave në rrjetet sociale, ku pjesa më e madhe e tyre e cilësuan si një “ekzagjërim” dukjen e e tij.
Një fans komentoi: “Halloween i hershëm”.
Një tjetër tha: “Kush e rrahu?”
Dikush tjetër shtoi: “Ai po imiton një boksier.”
Mirëpo, pavarësisht gjithçkaje, Kanye ia del të kthejë gjithçka që vesh në modë, qoftë edhe një bluzë e gjakosur.
Më herët kujtojmë, Kanye habiti teksa u shfaq me çorape dhe me shapka me gisht në Javën e Modës në Londër. Ndonëse nuk ishte për tu habitur, pasi reperin e kemi parë edhe me çizme në verë.
