Më 13 prill, kryeministri britanik Boris Johnson rezultoi negativ në testin e fundit për Covid-19 dhe doli nga spitali.
Madje, ai u rikthye menjëherë në krye të detyrës duke marrë në dorë situatën e vendit të tij.
Johnson ka mbajtur fjalime në konferenca të ndryshme, mirëpo në konferencën e fundit ka rrëfyer për herë të parë pasojat që i ka lënë Covid-19.
Kryeministri rrëfeu se për herë të parë pas kaq shumë vitesh ka nevojë për syze, pasi i është dobësuar shikimi.
Ai beson se shkak për këtë mund të jetë bërë koronavirusi.
“Zbulova se kam nevojë për syze, për herë të parë pas kaq vitesh. Po mendoj për efektet e mundshme të koronavirusit. Kështu që jam i prirur të mendoj se ka lidhje. Koronavirusi që kalova mund të ketë lidhje me problemin që përjetoj tek sytë.”- u shpreh Johnson.
Së fundmi, kryeministri u bë baba për herë të pestë.
Partnerja e kryeministrit tregoi në Instagram se ata i kanë vendosur një emër domethënës të voglit, për të nderuar mjekët që u kujdesën për Johnson duke e shpëtuar nga Covid-19.
Kështu, djali i tyre është quajtur Wilfred Lawrie Nicholas Johnson.
