Në fillim të vitit 2018 ata nisën të frekuentoheshin së bashku, ndërsa tashmë modelja seksi Heidi Klum dhe partneri i saj 17 vite më i ri në moshë, Tom Kaulitz, janë kurorëzuar me martesë.
Gjithçka ka ndodhur në fshehtësi të plotë dhe mediat e huaja shkruajnë se celebrimi i çiftit ka ndodhur që në muajin shkurt. Ata kanë zgjedhur datën 22 për martesën e tyre, pasi thuhet se kjo është data e takimit të parë të çiftit.
Sipas “People”, gjithçka ka ndodhur në mënyrë konfidenciale në Kaliforni, por të pyetur në lidhje me martesën, përfaqësuesit e Tom-it dhe Heidi-t nuk kanë preferuar të zbulojnë asgjë.
Modelja 46-vjeçare dhe partneri i saj 29-vjeç u panë për herë të parë së bashku si çift në publik në eventin ‘amFAR Gala’, vitin e kaluar.
Kujtojmë se kjo është martesa e tretë për modelen Heidi Klum, e cila më herët ka treguar se nuk e vret mendjen aspak për moshën e partnerit të saj.
“I dashuri im është shumë vite më i ri se unë. Shumë njerëz dyshojnë tek ne dhe janë kuriozë. Vetëm në të tilla raste ma përplasin moshën në fytyrë dhe vetëm në të tilla raste duhet të jap llogari në lidhje me diferencën. Në të kundërt, s’e vras shumë mendjen. Thjesht duhet të jetosh jetën tënde, pa vrarë shumë mendjen se çfarë thonë të tjerët. Në të kundërt, përfundon me më shumë rrudha.”- është shprehur Heidi për “InStyle”.
