David Sneddon nga SHBA, u shpall i vdekur pasi u zhduk në provincën Yunnan në Kinën Perëndimore kur ishte 24 vjeç. Në atë kohë, policia tha se studenti nga Brigham University vdiq ndërsa bënte ecje në mal më 14 gusht 2004. Por trupin e tij nuk e gjetën kurrë.
Ndërsa tani, agjencia japoneze e lajmeve “Yahoo News” raporton se Sneddon është parë në Korenë e Veriut, ku besohet se dhe jeton aktualisht. Mendohet se ai punon si mësues anglishteje dhe ka një grua dhe dy fëmijë.
Si pasojë, ditën e mërkure Departamenti Amerikan i Shtetit deklaroi se do të fillojnë të kërkojnë për Sneddon në Korenë e Veriut.
Choi Sun-yong, që drejton Unionin Familjar, tha se një burim kishte zbuluar se në fakt djaloshi ishte rrëmbyer nga zyrtarët koreano-verirorë, dhe punonte si mësues anglishteje për diktatorin Kim Jong Un, i cili ishte trashëgimtar të diktaturës së vendit në atë kohë.
Ndërkohë prindërit e Sneddon, Roy dhe Kathleen, kurrë nuk e besuan version zyrtar të ngjarjes se djali i tyre kishte rënë nga mali në lumë. Duke ditur reputacionin e Koresë së Veriut për rrëmbimin e të huajve, ata besojnë se regjimi i Kim Jong Un ka gisht në zhdukjen e tij.
