Selena Gomez është personazhi më i përfolur i momentit, e cila vendosi ta shprehë lëndimin e saj nga lidhja me ish-in, Justin Bieber, nëpërmjet një kënge.
“Lose you to love me” u kthye në këngën më të dëgjuar e të komentuar në rrjet, e cila ka hapur polemika të mëdha.
Gjatë intervistave, Selena gati sa nuk e tha troç se kënga është për Justin dhe sigurisht që dëshiron që këngëtari ta dëgjojë atë!
Fundja, për të bëhet fjalë në tekst, megjithëse nuk i ka përmendur emrin!
Pavarësisht lëndimit të madh, Selena ka treguar se tashmë është shëruar dhe është gati për një jetë të re, pas 2 vitesh super single.
Por, fansat po mendojnë se këngëtarja mund të jetë kthyer me ndonjë nga ish-at e saj pas martesës së Justin Bieber.
Fillimisht ajo u pa në shoqërinë e Niall Horan dhe gjithashtu po flitet edhe për një lidhje të mundshme me Samuel Krost.
Megjithatë, njëherë e mirë Selena ka vendosur të na e tregojë vetë të vërtetën nëpërmjet një statusi në InstaStory.
Ajo ka treguar se është ende single dhe kjo do të ndryshojë vetëm nëse Zoti ka plane për të.
“Nuk po dal me asnjë. Jam single prej 2 vitesh. Po ndjek programin e Zotit, jo timin.”- shkruan Selena duke sqaruar njëherë e mirë aludimet.
