Selena Gomez nuk mundi t’i mbante lotët teksa foli për betejën e saj me ankthin dhe depresionin, në momentin që u ngjit në skenën e “American Music Awards”, mbrëmjen e së dielës.
Teksa mori trofeun si artistja më e mirë pop/rock, 24-vjeçarja bëri një fjalim për problemet shëndetësore, për shkak të cilave iu nënshtrua një trajtimi, si dhe u shkëput nga karriera e saj muzikore në fillim të këtij viti.
“Në 2014-n, në këtë skenë jam treguar 100% e sinqertë me të gjithë ju. Mendoj se është më mirë që shumica prej jush të dinë më shumë rreth jetës sime, pavarësisht nëse më pëlqen mua apo jo. U detyrova t’i jepja fund, kisha gjithçka, por isha e lënduar në shpirt”, vijoi ajo me zërin e emocionuar.
Selena tregoi gjithashtu se bëri të pamundurën për ta kaluar këtë betejë për të gjithë fansat e saj. “Nuk e di nëse më respektoni apo jo por duhet të dini vetëm një gjë, mua më interesojnë shumë njerëzit”, përfundoi fjalimin e saj Gomez. Fjalimi i saj preku zemrat e mijëra fansave dhe kolegëve të saj, përfshirë Lady Gaga-n, e cila nuk mundi t’i mbante lotët.
Burimi: Daily Mail
