Mbrëmjen e kaluar, një aksident i rëndë në Durrës solli vdekjen e një personi me motor, i cili shpërndante pica.
Ngjarja ndodhi në “Urën e Dajlanit” ndërkohë që identiteti i viktimës ka mbetur ende i pazbuluar.
Policia evidentoi se viktima kishte shenja dhune në trup dhe u raportua se kishim të bënim me një vrasje, megjithatë pak më vonë është pubikuar versioni zyrtar i aksidentit.
Sipas “Lapsi.al”, në versionin zyrtar të policisë shkruhet:
Më datë 26.10.2019, rreth orës 20:10, në autostradën Tiranë- Durrës, në afërsi të një karburanti, në Shkozet, shtetasi P.T, duke drejtuar një mjet autobus tip “Skania” është përplasur me motorin tip “Dajang”, me drejtues shtetasin R. B, 25 vjeç, banues ne lagjen nr 15 Durres i cili ka gjetur vdekjen.
Nga kqyrja e kamerave dhe veprimet paraprake rezulton se drejtuesi i motorit si pasojë e përplasjes nga autobusi është përplasur edhe me një mjet tjetër i cili e ka spostuar trupin e viktimës nga vendngjarja.
Ndërsa motorri është gjetur në vendngjarje poshtë autobusit
Punohet për sqarimin e rrethaneve të ngjarjes.
