Banorët e Astirit që preken nga projekti i Unazës së Re janë përleshur me forcat e policisë këtë të shtunë.
Policia ka shoqëruar disa protestues, mes tyre edhe një të mitur pasi situata përshkallëzoi drejt dhunës.
Ndërkohë deputeti Klevis Balliu shoqëroi në furgonin e policisë në protestues të mitur, i cili u ndalua nga policia. Aktualisht ata ndodhen ne komisariatin 6.
Në ditën e 28 të qendresës së tyre, protestuesit kanë bllokuar të dy akset e rrugës.
Banorët kërkojnë që banesat e tyre mos prishen, ose të dëmshpërblehen në masën 100%.
Ndërkohë punimet kanë filluar duke hequr ndriçimin e rrugës dhe pemët.
