Anxhela Peristeri ishte e ftuar së fundmi në një intervistë, ku veҫ projekteve të reja dhe pjesëmarrjes në “Kënga Magjike”, u ‘ngacmua” pak dhe për jetën private, ku këngëtarja u shpreh se e ka gjetur dhe “mbretin” e zemrës së saj.
“Ti shquhesh për balada. Ke bërë dikur një këngë “Ishe mbret në zemrën time”. Një pyetje ka Why Not, e gjete mbretin e zemrës tënde?”-ishte pyetja që ju drejtua nga Roza Lati, të cilës Anxhela iu përgjigj duke thënë: “Po mirë moj, e gjeta. E paskam gjetur. E kam gjetur…”
Kujtojmë se disa kohë më parë këngëtarja u përfol se është martuat në Las Vegas, por më pas ajo hodhi poshtë gjithçka, duke thënë se lajmi nuk është i vërtetë.
Mes të tjerash, këngëtarja ka ka folur edhe për bashkëpunimin dhe një nga hitet e verës që lamë pas, bashkëpunimi me Capital T dhe Mandin e Nishtullës, “Habibi”.
Ajo tha se kënga fillimisht iu dha nga Irkenc Hyka për ta kënduar solo, por ishte ajo që ia tregoi Capital T. Ky i fundit propozoi që pjesë e këngës të ishte dhe Mandi i Nishtullës.
“Kënga është dëgjuar në masë. Pati një feedback të mirë. Kjo u duk që në javën e parë të publikimit. Mesa duket ka qenë një bashkëpunim shumë i qëlluar, sepse nuk pritej që ne të tre të bëheshim bashkë. Kënga ka qenë e Irkenc Hykës që ma ka treguar mua për ta kënduar vetë. Unë ja kam dërguar Capitalit, dhe ai pati mendimin që të marrim dhe Mandin. Kështu ka ardhur bashkëpunimi”-zbuloi këngëtarja.
