Chloe Bailey dukej sensacionale teksa bëri debutimin e saj në tapetin e kuq të Billboard Music Awards 2022 të dielën.
A e dini kush e ka stiluar veshjen e bukuroshes? Valdrin Sahiti, i njohur ndryshe si “stilisti i vipave” ka mahnitur me punën e tij e cila është komentuar nga shumë revista të huaja.
Këngëtarja e “Treat Me”, 23 vjeçe, tregoi barkun e saj të tonifikuar dhe fizikun mahnitës me një fustan lëkure të zi, i gjatë deri në fund të këmbëve. Fustani kishte qafë të mbyllur, prerje të gjera anësore deri në pjesën e barkut dhe shpatulla të strukturuara.
Kujtojmë se të njëjtin fustan ia kemi parë veshur edhe këngëtares së njohur, Era Istrefit, e cila ka patur fatin të pozojë e para me krijimin e stilistit.
Chloe Bailey arrives at the Billboard Music Awards, at the MGM Grand Garden Arena in Las Vegas
2022 Billboard Music Awards – Arrivals, Las Vegas, United States – 15 May 2022
Fustani i saj tërheqës – i cili gjithashtu mbante mëngë të brendshme – nuk ishte e vetmja pjesë që binte në sy në veshjen e saj, pasi bukuroshja gjithashtu mahniti me modelin e flokëve tip “Rapunzel”, të ndërthurur me fije ari.
Drake, Olivia Rodrigo, Justin Bieber, Taylor Swift, Doja Cat, Megan Thee Stallion dhe Dan + Shay ishin ndër fituesit e “Billboard Music Awards” që u zhvillua në “MGM Grand Garden Arena” në Las Vegas.
Billboard Music Awards nderon artistë të të gjithë zhanreve, muzika e të cilëve ka bërë më shumë bujë gjatë vitit të kaluar. Artistë të cilët kanë arritur sukses përmes shitjeve dhe transmetimeve të albumeve dhe këngëve.
Kryesuesi i nominimeve të këtij viti ishte The Weeknd, finalist në 17 kategori të mëdha falë fuqisë të albumit dhe këngëve të tij “Dawn FM’, të cilat pasuan “After Hours” të 2020-ës. Pas publikimit të albumit të saj “Planet Her”, Doja Cat ka më së shumti nominime për një akt femëror këtë vit si finaliste në 14 kategori. Dyshja/grupi më i nominuar i BBMA-ve 2022 ishte BTS, i cili ka kryesuar “Billboard Hot 100” dy herë gjatë vitit të kaluar me “Butter” dhe “Permission to Dance”. Për më tepër, Mary J. Blige u nderua me çmimin e lakmuar “Billboard Icon” për të festuar suksesin e saj prej dekadash si muzikante.
