Kevin Hart u aksidentua rëndë me automjetin e tij në Malibu të dielën në mëngjes.
Gjendja e aktorit të njohur të filmave komedi u tha se ishte e rëndë, madje ai iu nënshtrua edhe një operacioni në shtyllën kurrizore.
Një ditë pas operacionit, gruaja e tij Eniko qetësoi fansat e tij duke thënë se ai do të shërohet dhe do të jetë mirë.
“Ai është mirë. Do të bëhet mirë”, tha ajo për TMZ e pyetur jashtë spitalit.
Pas aksidentit, Hart shkoi në shtëpi për të marrë kujdes mjekësor atje para se të drejtohej për në Northridge Hospital Medical Center.
Sipas raporteve, 40-vjeçari ishte pasagjer në makinën e tij Plymouth Barracuda 1970 kur doli nga rruga dhe u përmbys.
Shoferi Jared Black, 28 vjeç, pësoi gjithashtu dëmtime të shtyllës kurrizore, ndërsa një pasagjere tjetër, Rebecca Broxterman, 31 vjeç, kishte vetëm dhimbje.
Makinën me të cilën po udhëtonin, Kevin ia kishte bërë dhuratë vetes për 40-vjetor.
