Dua Lipa ka publikuar së fundmi një postim në rrjete sociale ku bën me dije se Fondacioni “Sunny Hill” tashmë është bashkuar me Akademinë e kantautorëve në Suedi, Musikmakarna.
Qëllimi i tyre ka të bëjë pikërisht me krijimin e një programi të ri për kantautorët e rinj të talentuar në Kosovë
“Fondacioni SunnyHill është bashkuar me Musikmakarna, akademinë e kantautorëve në Suedi për të krijuar një program të ri për kantautorët e rinj të talentuar në Kosovë”.
“Shkova në studio sot (e diel) për të parë se çfarë kanë bërë ata dhe u mahnita plotësisht nga talenti dhe produktiviteti i seancave brenda vetëm disa ditësh nga fillimi”.
“U ndjeva vërtet e frymëzuar dhe jam shumë e emocionuar që ne vazhdojmë të punojmë së bashku për të parë këtë program të rritet në diçka vërtet të bukur”, ka shkruar Dua në postimin e saj.
Kryeministri i Republikës së Kosovës, Albin Kurti ka pritur sot në zyrën e tij këngëtaren me famë ndërkombëtare, Dua Lipën.
Kurti vlerësoi punën e këngëtares që ka bërë për “Sunny Hill Festival” si dhe e përgëzoi Duan për zërin e saj dhe për performancat që bën.
Gjithashtu, Kurti e ka falënderuar Duan edhe për kontributin që i ka dhënë edhe po i jep Kosovës në promovimin e vlerave artistike të vendit.
“Kontributi që keni dhënë e po jepni për Kosovën është i pamatshëm”, ka thënë Kurti, raporton Telegrafi.
