Një moment i papritur ka shoqëruar një koncert në Berat, ku këngëtarë të muzikës rock shqiptare kanë qenë të ftuar për të performuar.
Këngëtari Aleksandër Gjoka është ndjerë keq në skenë teksa performonte në natën e dytë të Festës së Miqësisë në Berat, ku dhe ishte i ftuar. Fatmirësisht, bëhet me dije se tashmë ai është në gjendje të mirë shëndetësore.
Balkan Web bën me dije se Gjoka ka qenë duke kënduar dhe në një moment ka pasur probleme me tensionin e lartë dhe nuk është ndjerë mirë në skenë.
Ambulanca ka mbërritur menjëherë në pedonalen e qytetit ku edhe është improvizuar skena për koncertet dhe këngëtari Aleksandër Gjoka është dërguar së spital. Sipas burimeve nga Spitali Rajonal në Berat, bëhet me dije se këngëtari i njohur ka pasur probleme me tensionin e lartë. Ndërkohë, pasi ka marë mjekimin e nevojshëm gjendja e tij shëndetësore është stabilizuar. Gjithashtu mësohet se pasi është ndjerë më mirë ai është larguar nga spitali.
Aleksandër Gjoka ka qenë i ftuar për të kënduar në natën e dytë të Festës së Miqësisë mbrëmjen e djeshme në qytetin e Beratit. Po ashtu, bashkë me të të ftuar kanë qenë edhe këngëtarët Redon Makashi dhe Elton Deda.
