Për të gjithë yjet e Hollywood është një nder të vlerësohen me yllin e tyre në rrugën më të lakmuar në Hollywood, Walk of Fame.
Dhe pas 50 vitesh karrierë në aktrim duket se Michael Douglas ka merituar yllin e tij në Walk of Fame. Pas kësaj ai mblodhi familjen e tij për festuar arritjen e rëndësishme në karrierën e tij.
Gjatë festimeve aktori mbajti një fjalim ku tregoi se gjithmonë kishte pyetur veten pse nuk po merrte akoma një yll, por pavarësisht kësaj ai tha se ishte shumë i lumtur për nderin që i’u bë.
74-vjeçari u shoqërua nga bashkëshortja e tij, aktorja e famshme Catherine Zeta Jones, i biri Cameron dhe babai i tij.
Douglas gjithashtu falenderoi të afërmit e tij për suportin që i kanë dhënë në gjithë këto vite, veçanërisht ai permendi bashkëshorten dhe të atin të cilët i puthi që të dy në buzë.
“Dashuria e jetës time është këtu. Po flas për Catherine. Jam mirënjohës për mbështetjen, dashurinë dhe durimin që më ke dhënë gjithë këto vite. Javën tjetër ne festojmë përvjetorin tonë të 18-të, kështu që të falënderoj për 18 vitet më të mira të dashurisë sime!” – u shpreh ai për bashkëshorten e tij.
“Babai im është këtu. Pas një muaji, Kirk do të jetë 102 vjeç! Kjo do të thotë kaq shumë për mua. Faleminderit për këshillat tuaja, frymëzimin dhe me gjithë zemër them se jam krenar që jam djali yt” – tha aktori teksa u drejtua të puthte në buzë të atin.
