Shtatorin që kaloi, këngëtarja e njohur Alida Duka i dha fund lidhjes së dashurisë pak para se të martohej me një menaxher, të cilin e përshkroi si “bosin e Francës”, pasi i kishte dhuruar një orë me 10 diamante.
“Lidhja me francezin Xavier ishte një lidhje shumë e veçantë për mua, e cila la gjurme tek unë. Për këtë arsye publikova dhe këngën ‘Krejt me harru’ para ca kohësh”, rrëfeu ajo asokohe kur tregoi edhe arsyen e ndarjes:
“Dikush që nuk diti të vlerësojë vlerat që unë kam, nuk ka edhe pse të jetë me mua. Çdo gjë tjetër materiale nuk më hyn në sy, sepse e kam ndërtuar gjithçka vetë dhe jam krenare për këtë. Karakteri është mbi të gjitha, ajo çfarë unë vlerësoj shumë.”- u shpreh Alida.
Por a e ka rigjetur dashurinë këngëtarja shqiptare?
E ftuar sot në emisionin “Rreze Dielli” në Report Tv, Alida, e cila është motra e këngëtarit Stine, tha se ndihet e lumtur edhe pse nuk e ka gjetur ende njeriun e zemrës.
“Jam shumë e lumtur, sepse gjithcka që kam ndërtuar, e kam ndërtuar vetë. Jam e lumtur edhe pse njeriun e zemrës nuk e kam gjetur akoma. Jam shumë konfuze te kjo gjë, por nuk dua ti jap shuëm rëndësi. Nëse vjen mirë, nëse s’vjen, nuk dua t’ja di. Përsa i përket historisë së shkuar nuk më mungon. Si mund të kem një person, kur çdo lidhje do kohën e vet dhe unë nuk e kam këtë kohë. Sigurisht më mungon një person për të dalë për një darkë, për të folur për të përditshmen”, thotë këngëtarja.
