Bashkëshortja e diktatorit Enver Hoxha, Nexhmija, është ndarë nga jeta sot në moshën 99-vjeçare.
Lajmin e hidhur të vdekjes së saj e ka ndarë në një njoftim edhe i biri, Ilir Hoxha, i cili ka shkruar një dedikim të ndjerë për të ëmën.
Gjithashtu, ai ka bërë edhe një njoftim për homazhet dhe varrimin e Nexhmije Hoxhës.
“Të nderuar miq e dashamires të familjes të Enver Hoxhes.
Me hidhërrim të thellë ju bej me dije, se sot më datë 26 shkurt 2020, në moshen 99 vjeçare u nda nga jeta nëna jonë, Nexhmije Hoxha.
Ajo gjithë jetën e saj ia kushtoi lirisë së Atdheut dhe ndertimit të Shqiperisë së re, perparimit dhe emancipimit të shoqërisë shqiptare, ndaj dhe ne do të ndjehemi perhere krenarë për emrin dhe veprën e saj.
Kujtimi i saj gjithmonë do të mbetet i paharruar për familjen tonë dhe të gjithë miqtë dhe dashamirësit e saj, në Shqiperi dhe kudo në botë.
Me respekt Ilir Hoxha
Tiranë 26 shkurt 2020
Shënim: Homazhet dhe percjellja për në varrezat e Sharrës do të behet nga Funeral Home Alba 2000 (prane Medresesë) nga ora 9 deri 12 të datës 27 shkurt
Në ditët pas varrimit, presim për ngushëllime në shtepine tonë, në Laprakë (pranë Sheshit Shqiponja). Jeni të mirëpritur. Faleminderit.”- janë fjalët e Ilir Hoxhës.
Në datën 8 të muajit shkurt, Nexhmija festoi këtë vit 99 vjetorin e saj të lindjes
