Këngëtarja e famshme, Kelly Clarkson, është duke kaluar një periudhë mjaft të vështirë që prej ndarjes me Brandon Balckstock.
Duket se e vetmja gjë që i bashkon Clarkson me Brandon, janë dy fëmijët që ata kanë së bashku. Nga ana tjetër, emocionet që ka përjetuar pas ndarjes nuk i ka lënë që t’i ndikojnë për keq, pasi është inspiruar që të shkruajë këngë të reja.
Në një intervistë për ‘Entertainment Tonight’, Clarkson ka bërë të ditur se ka shkruar 60 këngë, të cilat do t’i publikojë së shpejti.
“Unë kam shkruar 60 këngë. Në çdo kohë që kalon në jetë, është një gjë kaq e mrekullueshme që mund të kesh dalje, pavarësisht nëse njerëzit e besojnë apo jo”, tregoi ajo.
Kelly është bërë e njohur për publikun përmes pjesëmarrjes në “American Idol”, ku u shpall edhe fituese e këtij kompeticioni.
Kujtojmë se këngëtarja aplikoi për divorc në Los Anxhelos me 4 qershor të vitit që lamë pas, për t’i dhënë fund martesës me Brandon.
Thuhet se Kelly dhe Brandon thuhet se janë takuar në vitin 2012 në “Super Bowl XLVI”. Pas 10 muajve, Brandon-i i propozoi martesë dhe çifti lidhën kurorë menjëherë në tetor 2013. Kelly dhe Brandon kanë dy fëmijë së bashku: River Rose dhe Remington.
