6-1 ky ishte rezultati i ndeshjes së djeshme (6 dhjetor) midis Portugalisë dhe Zvicrës.
Kjo e fundit u mbosht nga skuadra e drejtuar nga Fernando Santos, duke humbur kështu edhe mundësinë për të vazhduar më tej në kampionatin botëror që po zhvillohet në Katar.
Zvicra u eleminua në një mënyrë tejet të rëndë nga Portugalia e cila shënoi një goleatë, plot 6 të tillë në portën kundërshtare.
Ky ka qenë edhe fundi i rrugëtimit në ëndrrën e Kupës së Botës edhe për Granit Xhakën, Jasharin dhe Xherdan Shaqirin të cilët luajnë me kombëtaren zviceriane.
Ky i fundit pas rezultatit tronditës ka reaguar duke u shprehur i keqardhur.
“Jemi shumë të zhgënjyer. Në emër të ekipit, u kërkoj falje të gjithë tifozëve që nuk arritëm të bënim paraqitjen tonë të zakonshme. Ne kemi plane të mëdha. Por ky është futbolli, herë pas here tregohen limitet. Kështu ishte edhe sot. Ne humbëm lojën në pjesën e parë dhe më pas duhet të ndiqnim rezultatin. E përgëzoj Portugalinë për golat, por rezultati ishte padyshim shumë i rëndë”-u shpreh futbollisti nga Kosova, Xherdan Shaqiri.
Sakaq kujtojmë që në çerekfinalet e Botërorit të Katarit, Portugalia do të përballet me Marokun. Nga ana tjetër kampionët në fuqi të botës, Franca do të luaj përballë Anglisë. Brazili nga ana tjetër do të jetë përballë Kroacisë dhe Argjentina e Messi-t do të përballet më Hollandën.
