Ditën e djeshme, modelja Arbenita Ismajli dhe reperi Fero befasuan rrjetin me foton që publikuan në rrjete sociale.
“Të sapomartuar”- shkruhej krahas pozës së çiftit, i cili tregonte se i kishte dhënë fund beqarisë.
Në media ka qarkulluar prej disa kohësh lajmi se ata janë kurorëzuar me martesë, ndërsa dje u konfirmua gjithçka!
Publiku nuk e ka pritur aspak kurorëzimin e tyre ndaj përveç atyre që i uruan Feron dhe Arbenitën, kishte edhe nga ata që e kritikuan dyshen.
Një pjesë e ndjekësve nuk ishin dakord me faktin që reperi dhe modelja janë martuar në moshë kaq të re, ndaj Arbenita e dha një përgjigje për këtë në rrjete sociale.
Ajo ndau me ndjekësit një shprehje e cila shkruante:
“Dikush u diplomua 21 vjeç, por priti 6 vite që të niste punë.
Dikush nuk u shkollua fare, por u bë milioner në moshën 21 vjeçare.
Dikush u martua 20 vjeç, por u divorcua 5 vite më vonë.
Dikush u martua në moshë 33-vjeçare dhe gjeti dashurinë e përjetshme.
Njerëz të ndryshëm, probleme të ndryshme e histori të ndryshme.
S’je vonë, s’je herët, je në kohë!- ishin fjalët e postimit me të cilat la të kuptohet se mosha për ta s’do të thotë asgjë.
Ndërkohë, në rrjet ka kohë që aludohet fakti që Arbenita mund të jetë shtatzënë dhe ky kurorëzim i ngriti akoma më shumë dyshimet.
