Pas një muaji të dendur me koncerte brenda dhe jashtë vendit, reperi Getoar Selimi më në fund është kthyer në shtëpinë e tij në Tiranë, ku jeton prej kohësh me partneren e tij, moderatoren shqiptare, Marina Vjollca.
Ai ka publikuar një foto me të në Instagram ku shkruan: “Me gruan time të bukur, Marina Vjollca”. Kjo nuk është hera e parë që Getoari e quan Marinën “gruaja ime”.
Megjithatë ky cilësim të bën të dyshosh se çifti edhe mund të jenë martuar, ose të paktën do të martohen në një të ardhme shumë të afërt, sipas fjalëve që qarkullojnë prej kohësh për ta.
