Pa pritur dhe pa kuptuar Capital T postoi një foto në prehrin e një vajze dhe rrjeti shpërtheu.
Sigurisht ai e fshehu portretin e saj, teksa krah fotos shkroi: “Më pëlqen mënyra si jetoj!”, duke u vendosur edhe një herë në qendër të polemikave.
Fansat kanë vërshuar në komente, disa duke aluduar rreth vajzës misterioz, e të tjerë nuk i kanë kursyer kritikat. Por, nga ana tjetër as reperi i mirënjohuar nuk ka përtuar tu përgjigjet.
Kështu, disa fanse shkruajnë se janë lodhur nga ‘lojërat’ e tij, të cilat i cilësojnë si mënyra për të tërhequr vëmendje.
Padyshim Capo i ka mohuar këto, duke u shprehur se thjesht ka postuar një foto.
“Vetëm për vëmendje i bën këto foto? U lodhëm duke parë ‘fake’ kudo. S’duhet tek ti!”– shkruan një komentuese, të cilës autori i hitit ‘Akull’ i është përgjigjur: “Ç’ka ka ‘fake’ këtu?”
Teksa komentuesja tjetër shkruan: “U lodhëm nga dramat e tua me gocat! Mos u bëni budallenj!”. Ndërsa përgjigja për të ishte: “A mundem unë thjesht të postoj një foto? Shiko mirë se kush po bën drama.”
Pas këtij komenti ju do mendoni se Capital T sapo pohoi faktin se ndodhet në një lidhje sepse kërkon të postoj foto, ku nuk ka asgjë të keqe, përveç fshehjes së indentitetit. Por, jo.
Nuk e ka fjalën për këtë.
Kur një komentues e pyet që të tregojë se me kë është në lidhje, artisti nga Kosova shkruan: “Kush tha se jam në lidhje?”
Nuk dimë se kush ndodhet në foton në fjalë, por kjo nuk është hera e parë që Capital T bën të tilla postime, ndaj fansat thonë se janë të lodhur.
Kështu, bëri edhe para publikimit të këngës “Je t’aime”, kur postoi një foto nga Parisi me modelen, protagoniste në klip.
Edhe në 2018 bëri shumë zhurmë kur u shfaq në helikopter përdore, teksa në dorën e tij dukeshin disa shenja buzëkuqi që të bënin të mendoje se ajo i ka dhuruar atij disa puthje.
Por, më pas rezultoi se bëhet fjalë për një Miss nga Mali i Zi e cila quhet Marija Kolinovic dhe po ashtu ishte protagoniste e klipit të tij.
E jo më larg se këtë verë, ai u shfaq krah Adrola Dushit, duke ndezur rrjetin e kur të gjithë aluduan për një lidhje të mundshme, ata u shfaqën bashkë në këngën “C’est la vie”.
Pavarësisht se ata i kanë mohuar zërat se janë në një lidhje, burime ekskluzive kanë bërë me dije për ‘iconstyle.al’ se dyshja po përjetojnë një romancë të bukur prej kohësh. (KLIKO)
