Videoklipi “Dua” i publikuar në mars të këtij viti, ka qënë një prej klipeve më të komentuar të Encës. Kjo për shkak se ajo u shfaq me skena të nxehta krah modelit spanjoll Pierluigi Fracassi.
Skenat erotike duke u puthur e përkedhelur në shtrat tërhoqën vëmendjen e të gjithëve dhe u komentuan në të gjitha rrjetet sociale.
Edhe pse kanë kaluar disa muaj nga publikimi i videoklipit Enca ka publikuar sot një video të shkurtër nga prapaskenat e klipit duke u puthur me modelin spanjoll.
“Sapo kuptova që nuk kam nxjerrë prapaskenat e klipit ‘Dua’ … dhe ja ku është njëra” – shkruan këngëtarja krahas videos së postuar në Instagram.
Ndërkohë ajo po shijon suksesin e këngës më të re “Kujt po i han” në bashkëpunim me Don Phenom.
