Këngëtarja e mirënjohur Silva Gunbardhi e cila së bashku me partnerin e saj, reperin Dafi Derti janë prindër të një djali të quajtur Dalvi, pak ditë më parë foli për dy histori të dhimbshme, me në qendër fëmijë që braktisen në koshat e plehrave.
Ajo rrëfeu se me aq sa ka mundur është kujdesur për ato fëmijë kur ishte në spital, duke iu siguruar disa produkte ushqimore.
Ndërkohë, së fundmi Gunbardhi, e ftuar në “Prive” foli edhe një herë për këtë tematikë, ku kësaj here pranoi publikisht se kishte bërë gabim që ka gjykuar nënën e foshnjës:
“Në atë moment, bëra një gabim. Gjykova nënën sepse mendova se nëna do e ketë hedhur fëmijën në koshin e plehrave. Ndërsa tani që kanë kaluar tre vjet e gjysmë që jam nënë, mendoj që nuk ka nënë në botë që ta bëjë atë veprim dhe nuk dua që ta paragjykoj atë nënën dhe asnjë nënë tjetër në botë. Janë situata, rrethana ato që e bëjnë njeriun të mirë, por e bëjnë edhe shumë të keq, monstruoz që të arrijë të hedhë një qenie që merr frymë, të pambrojtur në kazanin e plehrave. Për mua e rëndësishme është që ajo vajzë është shumë mirë.”
Gjithashtu tregoi se vogëlushja quhet Mela dhe ndodhet ende në jetimoren e Tiranës.
