Pas 48 viteve në shërbim të popullit, mjeku Dhimitër Kraja iu rikthye detyrës për të ndihmuar kolegët e tij gjatë emergjencës së Covid-19.
Mirëpo, mjeku i njohur Pëllumb Pipero bëri sot me dije se Kraja ka shfaqur simptoma të koronavirusit.
Pas testimit, rezultati i analizës së tij ka qenë pozitiv, ndërsa doktori është shtruar në Spitalin Infektiv.
Sipas mjekut Pipero, Ggendja e Krajës është e stabilizuar.
“Pesha e viteve nuk e pengoi Prof. Dhimitër Krajën për t’u rikthyer në spitalin infektiv, aty ku ka kaluar 48 vite të jetës së tij, për t’i dhënë një dorë stafit të palodhur të këtij spitali në këto ditë të vështira!
I rrallë e modest si pakkush, Dr. Luli, siç e thërrasin të gjithë, po përballet vetë në këto momente, me sëmundjen që aq shumë donte ta luftonte❗
Gjendja shëndetësore e doktor Lulit në këto momente është e qëndrueshme, në trajtim nga ekipi mjekësor, për të cilin ka qenë ngahera një burim i pashtershëm frymëzimi.
#FORCA Doktor Luli
#JEMIMETY??”- shkroi Ministrja Manastirliu në postimin e saj.
Deri tani, në vendin tonë janë konfirmuar 243 raste të infektuara me Covid-19, ndërsa 15 persona fatkeqësisht kanë ndërruar jetë për shkak të koronavirusit.
Shpërndarja gjeografike e rasteve pozitive, është si vijon:
– Tiranë 129 raste
– Durrës 26 raste
– Lushnje 4 raste
– Elbasan 5 raste
– Fier 23 raste
– Kavajë 4 raste
– Rrogozhinë 2 raste
– Korçë 15 raste
– Vlorë 5 raste
– Shkodër 8 raste
– Lezhë 5 raste
– Berat 1 rast
– Has 2 raste
– Krujë 5 raste
-Tropojë 4 raste
– Pukë 3 raste
– Mirditë 2 raste
