Prej dy vitesh, këngëtarja shqiptare Elvana Gjata i ka munguar ekranit shqiptar, pasi është larguar për të ndjekur karrierën e saj në SHBA.
Në ditën e lindjes së saj më 3 shkurt, Elvana bëri një rikthim të fuqishëm, duke sjellë për fansat një album të ri. Këngëtarja mbajti një recital me 100 të ftuar, për të prezantuar prurjet e reja, mirëpo një shprehje e saj gjatë festës private ka ngritur një pikëpyetje te gazetarët e pranishëm.
“U ktheva nga shpella ku isha izoluar”, është shprehja që për gazetarin Eni Shehu do të thotë ‘izolimi’ i saj brenda shtëpisë diskografike me të cilën ka bashkëpunuar prej 10 vitesh, “Threedots” i Flori Mumajesit.
I ftuar në emisionin e Rudinës gazetari aludoi se një koment i tillë lidhet me ndarjen e Elvanës nga Flori, por Rudina kishte një mendim krejt ndryshe duke e argumentuar me faktin se Elvana ka qenë e shkëputur nga jeta publike dhe “shpella” nënkupton mungesën e saj. Cili të jetë kuptimi i vërtetë?!
