Mbrëmjen e djeshme u mbajt Nata e Parë e Festivalit të RTSH-së në të cilin performuan 12 këngëtarë. Por e veçanta e këtij festivali këtë vit, ishte këngëtarja Ledina Çelo e cila erdhi në rolin e moderatores bashkë me aktorin Kasëm Hoxha.
Por veshja e saj me një fustan transparent në tyl të zi nuk u prit mirë nga publiku. Në rrjetet sociale shpërthyen komentet negative lidhur me veshjen e Ledina Çelos. Pas përfundimit të mbrëmjes, Ledina arriti që të mposhtë mjaft mirë emocionet e skenës, të cilat sigurisht që për kaq vite mungesë rriten edhe më shumë.
Ajo publikoi një fotografi në llogarinë personale në Instagram pas përfundimit të festivalit, ku shfaqet me pizhama në dhomën e gjumit, teksa bëhet gati për të pushuar pas një nate të lodhshme.
Pranë saj gjendej edhe vajza e vogël, e cila po i dhuronte mamasë një çokollatë të vogël, teksa gëzimi i fëmijëve duket se e ka bërë Ledinën të ndjehet më e çliruar. Ndërkohë sot, këngëtarja postoi edhe një foto të një fustani më klasik, të bardhë dhe jo transparent për të thënë se e presin emocione të më dha me prezantimin e këngëve të 12 konkurrentëve të tjerë.
