Më 19 shtator Capital T do të mbajë në sheshin “Nënë Tereza” koncertin gjigand “Time Capsul”.
Ai ka premtuar se koncerti do të jetë madhështor dhe do të zgjasë gati 2 orë.
Reperi do të performojë këngët e tij që nga fillimi i karrierës dhe sigurisht nuk do të mungojnë të ftuarit specialë.
Deri tani është aluduar për disa këngëtarë, megjithatë vetë Capitali ka komfirmuar vetëm dy prej tyre.
I ftuar në emisioni radiofonik “You & Me” ai zbuloi se një ndër këngëtarët që do të ngjitet në skenë bashkë me të është edhe Alban Skënderaj.
Gjithashtu pjesë e koncertit do të jetë edhe daja i tij, reperi 2po2.
Ndërkohë pak më parë Capital T ka publikuar një Story dhe në sfond dëgjohet kënga e tij me Elvana Gjatën “Lejla”. Me siguri edhe ajo do të jetë një nga të ftuarat speciale.
Kujtojmë se ditën e djeshme, Majk publikoi një foto me Capital T ku tregonte se do të shihemi së shpejti me ta.
Por nisur nga konferenca për shtyp që reperi mbajti pak ditë më parë, presim të ketë edhe këngëtarë të tjerë.
