Pas sqarimit të polemikave të shumta për vendodhjen e Festivalit “Sunny Hill”, më në fund një rrugë e mesme u gjend. Tashmë çdo ditë e më tepër që i afrohemi gushtit, po zbulohen dhe këngëtarët që do performojnë në festival. Dhe sigurisht nuk mund të mungonte këngëtari i mirënjohur për publikun shqiptar, Ledri Vula. Konfirmimi erdhi nga faqja zyrtare e “Sunny Hill Festival” në Instagram. Ledri numëron shumë hite përgjatë viteve dhe sigurisht që fansat do të jenë të lumtur për performancën e tij.
Pakënaqësitë nisën për vendodhjen e Festivalit “Sunny Hill” i cili u transferua në Tiranë për shkak të vonesave për zhvillimin e festivalit në Prishtinë. Por ditën e djeshme më në fund një marrëveshje është arritur. Në deklaratën e përbashkët e Sunny Hill Festival, Ministrisë së Kulturës dhe Komunës së Prishtinës bëhet e ditur se Sunny Hill Festival mbahet në shtëpinë e vet, në Prishtinë, më 4, 5, 6 dhe 7 gusht 2022.
Por në frymën e bashkëpunimit të shkëlqyeshëm kulturor mes Kosovës dhe Shqipërisë, një edicion i veçantë me një line-up tjetër do të mbahet në fund të muajit gusht në Tiranë më 26, 27 dhe 28 gusht. Gjithashtu bëhet e ditur se përveç artistëve të njohur si Diplo, Skepta, DJ Regard, AJ Tracey, Mahmood dhe artistët më të njohur shqiptarë, për këtë edicion do të zbulohen edhe dy artistë shumë të mëdhenj botëror të cilët do marrin pjesë.
