Edicioni i 21-të i “Këngës Magjike” ka premtuar që këtë vit do të ketë ndryshime të mëdha.
Kësaj here, krah Ardit Gjebreas do të shohim në prezantim edhe modelen Adrola Dushi, e cila e ka për herë të parë këtë eksperiencë.
Gjithashtu, mënyra e votimit ka ndryshuar dhe më shumë se çdo vit tjetër, kësaj here do të konkurrojnë edhe artistë të huaj.
Deri tani, si pjesëmarrës të këtij edicioni ishin konfirmuar Linda Halimi, Anxhela Peristeri, Fifi, Inis Neziri, Ardit Çuni, Erik Lloshi, Anjeza Branka dhe Orgesa Zaimi.
Këtyre emrave do t’i bashkohet edhe këngëtarja e njohur shqiptare, Rovena Dilo.
Vetë Rovena e ka dhënë këtë lajm në profilin e saj në Instagram, ku krahas një fotoje shkruan:
“Nuk jam duke e menduar më !….KM eshte destinacioni im i rradhës dhe sigurisht më i bukuri. Tetor 2019 !
Shihemi atje ! Rovena u kthye.”
Ndjekësit e saj janë gëzuar pas këtij lajmi, duke i treguar se po e presin me padurim këngën e re të Rovenës, e cila me siguri do të shkëlqejë si çdo herë.
