Të qenit personazh i famshëm sjell edhe rreziqe, pasi ka fansa që kalojnë çdo kufi dhe madje thyejnë barrierat e privatësisë. Kështu ka ndodhur dhe me David Beckham.
Në muajin mars, u publikua lajmi se ish-ylli i Manchester United po përballej me një betejë ligjore kundër Sharon Bell, një grua 58-vjeçare e cila është akuzuar për ngacmimin e legjendës së Anglisë dhe vajzës së tij më të vogël, Harper Seven.
Pavarësisht se u akuzua, Sharon nuk iu desh të përballej me një gjyq penal, sepse ajo vuan nga probleme të shëndetit mendor.
Bell besonte se ajo ishte në një lidhje me Beckham dhe se ish-lojtari dhe gruaja e tij, Victoria, i detyroheshin asaj një shumë të konsiderueshme parash. Ajo gjithashtu pretendoi se Harper ishte vajza e saj.
Beckham mori tre letra nga Sharon dhe tha se nuk e njihte atë ndaj ndihej i kërcënuar.
“Ndjeva sikur gjuha në letër po përshkallëzohej dhe po bëhej më emocionale dhe kërcënuese ndaj meje dhe familjes sime dhe kjo më shqetësoi. Letrat po bëheshin gjithnjë e më kërcënuese dhe padyshim që femra e dinte se ku jetoja”, tha ai.
Gjatë gjykimit, gjykata lexoi disa letra që Beckham mori nga Bell.
“E kam marrë adresën tuaj nga një agjenci detektivësh, shpresoj të mos keni problem”, ka shkruar Bell.
“Kam ndjenja për ty, David. Victoria më ka borxh disa para, pasi ajo tha se ka vjedhur llogarinë time bankare prej vitesh, gjë që nuk është shumë e bukur. Unë do ta vlerësoja nëse ajo nuk do të ishte aty. Unë thjesht dua të flas me ty. Ma ke borxh këtë, David. Do të doja të isha me ju kur të bëni operacione trurit për t’ju dhënë disa qeliza të reja. Shoku juaj Tom Cruise më ka mërzitur vërtet, David.” ka shkruar ajo në letrat e saj.
Bell, e cila pretendonte se ishte e dashuruar me ish-lojtarin që në fëmijëri, dërgoi një letër tjetër për t’i kërkuar leje Beckham-it për të shkuar në shtëpinë e tij për një bisedë.
