27-vjeçarja kishte mbjellë 5 vazo me hashash në apartamentin e saj në periferi të Tiranës dhe duket se “ia hodhi paq”.
Pse drejtësia nuk liron edhe qytetarët e thjeshtë, fermerët apo individët që kapen me sasi të vogla hashashi, për ‘përdorim vetjak’ si Enca? Pse qytetarët e tjerë s’ia hedhin dot “paq” si ajo?
Mësohet se këngëtarja ishte e pranishme në seancë, por nuk foli. Më herët ajo kishte deklaruar se kanabisin e kishte për përdorim vetjak.
Mbrojtja pretendoi se qëndrimi me masë më të rëndë, nuk është i nevojshëm pasi nuk përbën rrezik për t’iu shmangur hetimit. Ata e konsideruan arrestimin të paligjshëm, pasi nuk ka patur urdhër-arresti nga gjykata, por prangosja u krye vetëm me iniciativë të OPGJ.
Mbrojtja deklaroi në seancë se mbjellja e bimës është bërë për kureshtje.
Fatkeqësisht, për të njëjtën vepër penale, gjykata ka mbytur gjithmonë në burg qytetarë të thjeshtë, fermerë pa shumë të ardhura apo individë që gjithashtu kanë mbjellë hashash si Enca, për ‘përdorim vetjak’.
