Gjykata e Tiranës ka dhënë vendimin për portierin Alban Hoxha, i cili rreth 2 muaj më parë, u arrestua pasi u kap duke drejtuar mjetin në gjendje të dehur.
Portieri i Partizanit është dënuar me 3 muaj burg, për akuzën “drejtim automjeti në gjendje të parregullt”.
Mirëpo, sipas “PanoramaSport”, Alban Hoxha nuk do të kryejë dënimin me burg, pasi i është konvertuar me 80 orë punë të detyruar.
Kujtojmë se Hoxha e konsideroi ngjarjen e ndodhur si gabim. Madje edhe drejtuesit e klubit të Partizanit e dënuan atë, dhe vendosën që Hoxha të mos luajë në derbin ndaj Tiranës.
