Ditën e djeshme, në media u raportua rasti i një foshnje në Londër që ishte prekur nga Koronavirusi.
Pak minuta pas lindjes, ai rezultoi pozitiv ndaj COVID-19 dhe nuk dihet nëse u infektua në barkun e nënës, apo gjatë lindjes.
Megjithatë, ditën e sotme “The Sun” na jep lajmin e shumëpritur dhe thotë se i porsalinduri është në gjendje të mirë shëndetësore.
Ai e ka marrë veten dhe është jashtë rrezikut për jetën.
Sipas ekspertëve, nënat dhe fëmijët janë më pak të rrezikuar nga Koronavirusi.
Në rastet më të shumta, ata e kalojnë virusin me simptoma të lehta.
