Një ngjarje e rëndë ndodhi këtë të mërkurë në Bulqizë, ku 11 nxënës kanë përfunduar në spital.
Sipas burimeve, nxënësit e shkollës “Shefqet Tançi” kanë pasur marrje mendsh dhe të vjella.
Të rinjtë, të cilët janë në klasën e gjashtë, janë helmuar në laboratorin e shkollës, pasi kanë qenë duke eksperimentuar me një lloj sapuni.
“Ishim në orën e vizatimit dhe po përdorinim sapun 15-ç për të bërë disa forma. Kishim gjysmë ore që e përdornim dhe kur mbaroi ora e mësimit filloi të na dhimbte barku dhe dolëm të gjithë në dritare. Sapunët kishim aromë të keqe”, u shprehën nxënësit.
Ata janë dërguar me urgjencë në spitalin e Bulqizës, ku aktualisht janë duke marrë serum.
Mjekët sqarojnë se gjendja e nxënësve të helmuar është jashtë rrezikut dhe ata po mbahen nën vëzhgim.
