Një foshnjë e porsalindur është gjetur në një kuti kartoni në Fairbanks, Alaska, e braktisur. Pranë kutisë së kartonit u gjet edhe një shënim, i cili shkruante fjalët prekëse “Mamaja ime është shumë e trishtuar që e bën këtë”.
Foshnja u gjet natën e ndërrimit të viteve rreth orës 14:00, ka reportuar “Alaska State Troopers”.
Roxy Lane ka qenë ajo që ka postuar një video të shënimit dhe kutisë, duke treguar kokën e fëmijës në batanije dhe duke thënë komentin e saj lidhur me këtë ngjarje prekëse.
“Kam ndrydhur ndjenjat e mia gjatë gjithë ditës dhe kam kaluar nëpër të gjithë skenarët dhe arsyet e ndryshme, me familjen time, se pse diçka e tillë mund të kishte ndodhur,” shkroi zonja Lane .
Ajo theksoi gjithashtu se prindërit mund të jenë shumë të rinj për të ditur se shteti i Alaskës ka një ligj për strehë të sigurt që u lejon prindërve të rinj t’ia dorëzojnë fëmijën e tyre policisë, zjarrfikësve ose punonjësve të tjerë të kujdesit shëndetësor derisa fëmija të arrijë moshën 21 ditëshe.
Sipas “Departamentit të Shëndetit dhe Shërbimeve Sociale” në Alaskë , fëmijët gjithashtu mund t’i jepen “çdo personi që prindi mendon se do ta mbante foshnjën të sigurt dhe do të ofronte kujdesin e duhur”.
“Ekziston gjithmonë një zgjedhje më e sigurt, njerëzore për të dorëzuar një fëmijë dhe ju nuk do të keni telashe dhe as nuk do t’ju duhet t’i përgjigjeni ndonjë pyetjeje të vështirë,” shkroi Lane. “Merrni fëmijën në një stacion zjarrfikës, kishë ose spital dhe ata do të kujdesen për ta.
“Është e qartë se dikush në komunitetin tonë ndihej kaq i humbur dhe i pashpresë, saqë bëri ndoshta zgjedhjen më të vështirë të jetës së tyre për ta lënë atë jetë të pafajshme në anë të rrugës pa asgjë tjetër veç disa batanije dhe një emër,” shtoi ajo në postimin e saj.
“Por ajo i vuri emrin! Ka pak dashuri atje, edhe nëse ajo ka marrë një vendim të tmerrshëm. E di që të gjithë jemi duke luftuar, e shoh. Ju dua të gjithëve dhe jam këtu. Sot shpëtova një fëmijë dhe ndoshta do të mendoj për vajzen time me shume tani”.
