Atdhe Xharavina është eliminuar nga “Big Brother Vip Kosova” dhe qëndrimi i tij ishte i shkurtër në format.
Në spektaklin e mbrëmshëm, publiku vendosi që banori, i cili duhet ta ndërpresë menjëherë garën në Big Brother VIP Kosova, duke humbur kështu çdo shans për ta fituar çmimin e madh prej 200 mijë eurosh është Atdhe Xharavina.
Atdheu ishte i nominuar bashkë me Vivien dhe Dafinën.
Largimi i tij i mërziti banorët, sidomos Julianën, e cila kishte krijuar një lidhje me të, lidhje kjo që edhe pësoi krisje në Prime-n e kaluar.
“Më pëlqen ai djalë”, u shpreh mes lotësh Juliana pas largimit të Atdheut.
Kujtojmë se gjatë programit të mbrëmshëm, opinionistja zyrtare e formatit, Anita Muçaj – Haradinaj duke komentuar përfundimin e historisë së njohjes mes Xhulit dhe Atdheut, ka kritikuar edhe një banore tjetër.
Anita kritikat e saj i ka adresuar Vivienit, pasi kjo e fundit gjatë fundjavës i kishte tha Xhulit – “Atdheu të la ‘live’ në televizion”.
Sipas opinionistes kjo sjellje nuk është korrekte, pasi edhe vetë Vivienin e kishte larguar nga shtrati Getinjo, dhe ajo i ishte rikthyer përsëri.
Opinionisti i tjetër i formatit, Olti Curri, ka komentuar kohën e shpejtë të krijimit të çifteve brenda shtëpisë së “Vëllait të Madh”. Ai tha se Vivien dhe Getinjo janë lidhur shpejt, por kur jemi tek shpejtësia, Curri vendin e parë për nxitim i ka dhënë Xhulit me Atdheun.
