Piktori i njohur shqiptar, i vlerësuar edhe jashtë vendit, Agim Sulaj, ka hapur së fundmi një ekspozitë përshtatur realitetit në të cilin po jetojmë. Ekspozita “Heroes” me 25 punime vjen në formën e një mesazhi të fortë për gjithë situatën e vështirë që po kalon bota prej pandemisë. Simbol i ekspozitës është piktura e një mjeku dhe një pacienti të infektuar me Covid-19, të cilët shfaqen të përqafuar me njëri-tjetrin.
Por përveç këtyre tablove dedikuar heronjve të pandemisë, në ekspozitë nuk mungojnë as tablotë historike.
“U frymëzova në këto kohë të vështira nga një foto e publikuar në Ëashington Post ku një mjek përqafonte pacientin e sëmurë me Covid, më frymëzoi dhe vendosa që t’ja vë titullin Heronjtë.
Kjo tablo i dedikohet aktualitetit në të cilin jetojmë, Covid-16 dhe luftës që ndjekin mjekët për të përmirësuar situatën. Tablotë e tjera vazhdojnë ritmin tim të mbresave nga Shqipëria, Italia, të peizazheve që flasin për rrugicat e Italisë dhe kujtimet e Shqipërisë në kohën studentore”, është shprehur Sulaj në emisionin “Abc-ja e mëngjesit”.
Çdo fundvit piktori i shquar ka ardhur me ekspozita të ndryshme për artdashësit shqiptarë dhe pavarësisht këtij viti të vështirë, as këtë herë nuk mungoi, duke ndjekur kështu traditën disavjeçare. Këtë vit ai nuk mundet të jetë vetë i parnishëm fizikisht në ekspozitë, por ajo do të qëndrojë e hapur deri në shkurt të vitt të ardhshëm për të gjithë ata që duan të shohin pikturat nga afër.
