Modelja shqiptare Kristin Prengajn prej kohësh është larguar nga vëmendja e publikut dhe arsyeja që u përfol ishte lidhja e saj me një biznesmen.
Siç bëhet me dije me dije, modelja po bashkëjeton me të dashurin e saj në Athinë. Por, duket se një tjetër lajm edhe më i gëzueshëm na vjen nga biondja seksi. “Bluetooth” ka mundur të mësojë se Kristin është në muajt e parë të shtatzënisë.
Kështu, modelja e suksesshme dhe partneri saj janë në pritje të fëmijës së tyre të parë. Burime pranë bukuroshes kanë thënë se, çifti ka bërë edhe një festë fejese të vogël në Greqi, duke pasur pranë vetëm familjarët e tyre të afërt. Duket se vajza që provokonte në çdo dalje të saj ka hequr dorë përfundimisht nga jeta publike, duke u shndërruar në një familjare të rregullt, madje për pak muaj edhe në një nënë të re.
Kujtojmë se lidhja e Kristin me djalin misterioz u bë publike në fillim të këtij viti. Udhëtimet e bukuroshes drejt Greqisë u shtuan edhe për shkak të fejuarit të saj, i cili ka disa komplekse turistike në Greqi. Prej disa muajsh kjo bukuroshe ka mbyllur edhe llogarinë në “Instagram”, ku kishte me mijëra ndjekës, duke iu përkushtuar tashmë historisë së dashurisë.
Duket se ka qenë partneri xheloz, ai që i ka kërkuar Kristit të heqë dorë nga karriera, për të qëndruar për pak kohë bashkë jashtë Shqipërisë. Natyrisht që shpeshherë biondja seksi vjen në Tiranë për të vizituar familjen e saj, por vizitat këtë herë janë disa ditore, për t’u rikthyer shpejt tek i fejuari.
