Vivien Thano mbrëmjen e djeshme është eliminuar nga “Big Brother Vip Kosova”. Ndonëse nuk arriti të shkonte në finale apo të fitonte, me plot gojë mund të themi se ajo ka fituar akoma më shumë.
Vivi në “BBVK” njohu Getinjon me të cilin zhvilloi një romancë dashurie teksa ishin të dy brenda. Mirëpo, pjesa më e bukur vjen tani që të dy janë jashtë shtëpisë, për të parë si do të vijojë marrëdhënia e tyre.
Një pjesë e rëndësishme është edhe si do ta presin “nusen” familja e reperit. Pak nga kjo na ka treguar vëllai i Getinjos, Mozzik. Ai ka ndarë në Instastory-n e tij një daulle, duke dashur të tregojë se Vivien e kanë pritur me tupana, sipas zakonit.
Mbrëmjen e djeshme edhe Getinjo ndodhej në studio, ndërsa Vivien pas daljes deklaroi se nuk do të niset për Tiranë, ku ajo vetë jeton, por në Ferizaj tek famiilja e Getit.
Kujtojmë që disa javë më para, ishte Getinjo ai që dol inga shtëpia e “BBVK” me dëshirën e tij. “Deri këtu është boll” kështu u shpreh Getinjo kur lajmëroi se dëshiron me vullnetin e tij të plotë të largohet nga “Big Brother Vip Kosova”.
Kështu reperi la në mes rrugëtimin e tij në “BBVK”, duke shtuar se për të nuk janë më të rëndësishme paratë, por qëllimi i tij ishte ta njihnin njerëzit si ishte ai në jetën e përditshme dhe të zbehte sadopak paragjykimet që publiku ka për të.
