Këngëtari Alban Nimani ishte i eleminuari i puntatës së fundit në “Dancing With the Stars”, me pikët më të ulëta të anëtarëve të jurisë.
Së fundmi këngëtari ka folur për herë të parë pas eleminimit në një intervistë për “Shqipëria Live.” Ai u shpreh se fillimisht e ka pasur problem ta pranojë ftesën për shkak të angazhimeve të tij, duke mos i lënë pas as ironitë.
“Kur kam marrë ftesën ka qenë nga TCH dhe kisha shumë angazhime e kisha problem të vija, mirëpo vendosa të vija. Si fillim ka qenë për një kohë të shkurtër, por ky është një spektakël televiziv dhe u përshtata me një karakter tjetër, me të qenit VIP. Aty ka qenë Albani si VIP”– u shpreh Alban Nimani.
Mes të tjerash këngëtari zbuloi edhe qëllimin e futjes së tij në “Dancing With the Stars”, duke theksuar se nuk ka qenë kurrë në garë.
“Unë nuk kam hyrë në garë, nuk kisha arsye të hyja në garë, gara zgjat tre muaj dhe nuk ka shance, nuk është natyrë e imja të hyj në gara. Qëllimi im ka qenë edhe në bashkëpunim me produksion, që të bëjmë një koreografi kontemporane dhe ata më patën premtuar që do ta bëjnë. Edhe numri i dytë ka qenë ashtu, për mua ai ka qenë qëllim për të cilin kam ardhur. Nuk është natyrë e imja, dhe nuk e kam bërë se ka qenë detyrë. Numri i dytë ka qenë synimi im”- zbuloi Albani.
Ish-konkurrënti i “Dancing With the Stars” kërceu një version të ri të këngës “Asgjë sikur dielli”, por performanca e tij zhgënjeu jurinë, që i dha vetëm 9 pikë në total.
“Nga katër pjesëtarë të jurisë as një numër dyshifror nuk rezultoi. Nuk u mërzita, sepse ka s’ka pasur rëndësi gara. Nuk kam hyrë aty për t’u vlerësuar aty, se unë nuk jam profesionist”- tha këngëtari për vlerësimin e jurisë.
Për kë bën tifo Albani?
“Me sa kam parë shuëm e kanë marrë seriozisht edhe më duken pak të stresuar, deri tani më ka pëlqyer Elhaida”- tregoi këngëtari
Sa i përket balerinës së tij shoqëruese, Albani tha:
“Po më erdhi keq për Odetën. Unë asaj i tregova që e kam të pamundur të vazhdoj, sepse kisha lënë puën mbrapa. Më erdhi keq se ajo këtë e ka profesion,, dhe ka merituar dikë që ka hyrë për të garuar aty. Ka qenë shumë profesioniste, shumë serioze. Të them të drejtën kemi pasur gjithë shtatorin prova, ka qenë angazhim shumë i madh dhe se prisja. Në kontratë e kisha një ditë një javë edhe një ditë xhirim, prandaj ajo ma mori komplet shpirtin”
