Drejtori i Institutit Kombëtar të Shëndetësisë Publike Naser Ramadani, ka dhënë lajmin e mirë për pacienten me origjinë Britanike.
Ai ka treguar se vajza që ishte shtruar mbrëmjen e kaluar në Kosovë nuk ishte e prekur nga koronavirusi.
Në një konferencë për mediat, ai ka thënë se pacientes i janë bërë tre teste dhe të tre kanë rezultuar negativë.
Pacientja identiteti i së cilës nuk dihet ende, është mbajtur në kujdes të veçantë që në momentin që është paraqitur në spital dhe tashmë analizat e saj kanë rezultuar negative.
Deri tani, ka shkuar në 813 numri i të vdekurve nga koronavirusi, ndërsa më shumë se 37 mijë persona janë konfirmuar të infektuar.
