Adele po e kalon këtë periudhë karantine në shtëpinë e saj në Los Angeles, por kjo nuk e ka ndaluar atë të argëtohet.
Këngëtarja, 32 vjeçare ka publikuar dy foto në Instagram, ku shfaqet duke parë koncertin e vitit 2016 të Glastonbury, pasi eventi u ndalua këtë vit për shkak të pandemisë.
Adele, e cila thuhet se ka rrëzuar mbi 44, 4 kilogramë nga dieta dhe palestra kishte veshur të njëjtin fustan të 4 viteve më parë dhe krahasimi na la pa fjalë.
Këngëtarja u tregoi 37.6 milionë ndjekësve të saj transformimin e fizikut, ndërsa ndiqte performancën dhe këndonte e kërcente në dhomën e ndenjes.
Në një foto të dytë ajo shfaqet më sportive, me rrobat e gjera që me siguri i vishte para se të dobësohej.
Adele fillimisht tregoi fizikun e saj të hatashëm në muajin maj, kur u kthye në mediat sociale për të falënderuar publikun për mesazhet e ditëlindjes. 32-vjeçarja dukej plotësisht e transformuar në foto pasi kishte humbur shumë në peshë.
