Tensionet dhe situata e agravuar ditën e djeshme mes protestuesve dhe policisë ka lënë me pasoja edhe një grua shtatzënë e cila humbi fëmijën.
Pas përleshjeve me policinë Erjona Dozhani ka humbur fëmijën në javën e pestë të shtatzënisë dhe sipas deputetes Albana Vokshi, ajo u dhunua nga policia.
Deputetja e PD ka denoncuar publikisht rastin e Dozhanit përmes një statusi në Facebook ku shkruan:
“Ndërsa e gjithë bota prej 25 shtatorit është aktivizuar kundër dhunës ndaj grave dhe vajzave, policia e shtetit në Shqipëri dhunon nënën shtatzënë.
Erjona Dozhani humbi fëmijën në muajin e 5-të, pas dhunimit nga policia, të cilët i arrestuan një ditë më parë edhe bashkëshortin, gjatë protestës para Parlamentit, për mbrojtjen e shtëpive, “të kryqëzuara” për shembje, për llogari të një vjedhje kryeministrore, miliona euro!”
