Në të gjitha mediat ditën e sotme u përhap lajmi nga opozita se një protestuese humbi fëmijën në javën e pestë të shtatzënisë pasi ishte dhunuar nga policia ditën e djeshme.
Erjona Dozhani u shoqërua nga policia në komisariatin e policisë bashkë me bashkëshortin e saj Lulëzim Dozhani dhe deklaroi se ishte 5 – javëshe shtatzënë.
Mirëpo sipas burimeve pranë “Newsbomb.al” kjo nuk është aspak e vërtetë, policia e ka përgënjeshtruar lajmin dhe Prokuroria gjithashtu ka pohuar se ndaj saj ka nisur një hetim në gjendje të lirë.
Sipas “Newsbomb.al” ajo është shoqëruar në polici pasi gjuante me mjete të forta drejt efektivëve të policisë dhe ka deklaruar se është shtatzënë, por dëshmia e saj rezultoi e pavërtetë.
