Nuk ka asgjë për t’u habitur nëse ju tregojmë se megjithëse janë prej 23 vitesh partnerë jete, Jada Pinkett dhe Will Smith nuk e njohin aq sa duhet njëri-tjetrin.
Kjo për shkak të rutinës së përditshme dhe jetës së shpejtë, që pengon çiftet t’i dedikojnë kohën e duhur njëri-tjetrit dhe të zhvillojnë bisedat e thella që kanë mundur t’i bëjnë vetëm tani në karantinë.
Nëse për disa çifte karantina ka qenë një sfidë e vështirë dhe ka sjellë ndarjen, për të tjerë ka qenë një “bekim” që duhej në jetën e tyre.
Pas 23 vitesh martesë, më në fund Jada ka arritur të njohë vërtetë partnerin e saj, Will Smith.
Ajo kishte krijuar një ide të gabuar për aktorin dhe vetëm karantina i ka treguar asaj Will-in e vërtetë.
“Dua të tregohem e sinqertë. Një ndër gjërat që kam kuptuar është se nuk e njihja Will-in fare. Jeta është e ngarkuar dhe njeriu krijon histori në kokën e tij, më pas kapet pas tyre dhe krijon një ide për partnerin, ide që nuk ka fare lidhje me të”- u shpreh Jada në një lidhje live në Facebook.
Pra, duket se izolimi në shtëpi i ka bërë mirë këtij çifti dhe kushedi sa e sa të tjerëve.
Ju bëni pjesë në këtë grup? Apo i thatë “lamtumirë” partnerit njëherë e përgjithmonë?
