Djali i familjes Meta, Besari feston sot ditëlindjen.
Ndryshe nga dy motrat e tij që i kemi parë shpesh në ekran, Besari ka mbajtur një profil të ulët publik dhe nuk ka dashur të jetë shumë i komentuat në rrjete sociale apo media.
Por sot, në ditëlindjen e tij, mami Monika ka vendosur ta urojë Besarin nëpërmjet një dedikimi mjaft emocionues në Instagram. E veçantë është kënga e Ledri Vulës që dëgjohet në sfond.
Kryemadhi ka renditur disa këshilla për djalin e saj siç i takojnë më së miri një 18-vjeçari që sapo ka nisur maturimin e tij. Mes tyre, ajo e këshillon që të bëjë vetëm mirë në këtë botë dhe të dhurojë dashuri:
“Urime Besar sot fitove pavarësinë, do jesh i lumtur sepse tashmë je 18 vjec! ???Por si dita jote e parë ku sipas ligjit quhesh i rritur po të them se për mua edhe kur të jesh gjysh, nga qielli lart do të të ndjek me syrin dhe merakun e nënës. Ti u bëre burrë tashmë, por burrëria nuk matet as me forcë as me para, por me dije dhe dashurinë që do iu falësh njerëzve. Prandaj “i bukri i dheut”, si të thotë nëna, lufto që bukuria jote shpirtërore të jetë dominante te ty. Lufto për të bërë mirë në këtë botë sepse Zoti kurrë nuk do të harrojë. Qofsh i lumtur dhe mos ndalo ec , vrapo, fluturo sepse këto vite nuk kthehen pas.
Te dua Besar!
