Ajo është një ndër banoret më të përfolura të “Big Brother” pas daljes nga shtëpia më e madhe në Shqipëri. Jona Kalemaj është vazhdimisht në qendër të vëmendjes së mediave rozë me postimet në rrjetet sociale ku tregon zhvillimet më të fundit të jetës së saj familjare.
Pasi doli nga ‘Big Brother” Jona i befasoi të gjithë teksa shumë shpejt u martua dhe deklaroi se bashkëshorti i saj ka qenë një ndër fansat e saj më të mëdhenj gjatë kohës që ajo ishte brenda shtëpisë së “Big Brother”. Ata e kurorëzuan dashurinë e tyre me martesë dhe tashmë janë prindër të dy vajzave bukuroshe.
Mirëpo vetëm pak kohë më parë ata u vunë në qendër të vëmendjes së mediave, pasi u përfol se bashkëshorti i Jonës ka një fëmijë jashtë martese. Së fundmi gjatë një interviste për “Gazetën Shqiptare”, Jona ka rrëfyer të vërtetën e kësaj historie dhe se si e përjetoi ajo atë.
“Sa për fëmijën që mori dhenë lajmi, s’është absolutisht e vërtetë. Më besoni që do e thosha pa pikën e turpit sepse fëmija s’është kurrë turp, nëse do e kishte një të tillë. Nuk e kuptoj deri ku arrijnë të shpifin portalet dhe gojët e liga dashakeqe. Unë, në fakt u bëra xhind, por im shoq as nuk e prishi terezinë fare. Madje qeshte dhe thoshte ‘qesh zemër se s’kemi pse mërzitemi për diçka që s’është e vërtetë. Le të flasin sa të duan’. Reagimi im në fakt, ndaj këtyre shpifjeve nuk mund të them se ka qenë i qetë, pasi sado të mos jetë i vërtetë lajmi, arrin që të ndikojë të çdokush një gënjeshtër e të tilla përmasave”, është shprehur Jona duke iu dhënë fund të gjitha zërave që qarkullonin prej kohësh.
Burimi: Gazeta Shqiptare
