Dy aktorët e njohur turq, Burak Ozçivit dhe Fahriye Evcen u bënë prindër për herë të parë më 13 prill.
Media turke “EnMagazine” raportoi se, Burak e shoqëroi bashkëshorten gjatë lindjes dhe u emocionua shumë kur mori djalin në krahë.
Djali i tyre është pagëzuar me emrin Karan dhe mësohet se lindi me një peshë prej 3 kg e 670 gr dhe 52 cm i gjatë.
Tashmë në mediat turke janë publikuar disa fotografi në të cilat, Buraku dhe Fahriye shihen duke dalë nga spitali me djalin e tyre.
E pyetur për shëndetin e fëmijës, Fahriye ka thënë se, është në gjendje të mirë shëndetësore.
Ata janë të martuar prej dy vitesh dhe emrin e fëmijës së tyre e zbuluan një muaj më parë.
