Krid mbush 3 muaj sot dhe mami Klea ndihet në qiellin e shtatë që prej ditës së parë që ai i fali titullin nënë.
Moderatorja ka publikuar sot një foto me rastin e 3-mujorit, dhe disa fjalë të përzemërta që e shoqërojnë postimin e saj të ëmbël.
“O mreti i mamës ti, u bënë 3 muaj që ma ke shkrirë zemrën o era ime e mirë. Më ke ndryshuar si njeri. Po shkalloj për ty, edhe 100 dashuri! Ta puth mami këmbën e vogël, sa të postoj këtë foto! Të dua Krid!”, shkruan Klea.
Moderatorja Klea Huta dhe producenti Elgit Doda u bënë prindër për herë të parë në muajin qershor të këtij viti.
Çifti u bekua me një djalë, të cilin e pagëzuan me emrin Krid dhe tashmë, i vogli është kthyer në personazhin kryesor të jetës së tyre.
Familja bëri disa ditë pushime në gusht, të parat të tre, dhe pamjet e ëmbla nuk munguan në rrjetet sociale.
https://www.instagram.com/p/CEG79-xjEpd/
