Meghan Markle mund të cilësohet si një nga nuset më të thjeshta mbretërore që na kanë zënë sytë. Modeli i flokëve, fustani apo dhe fakti që kishte bërë një makijazh shumë natyral, e bënë Meghan të dukej super e thjeshtë.
Megjithatë kur vjen puna te bizhuteritë që Meghan kishte vendosur në ditën e saj të madhe, nuk mund të themi të njëjtën gjë. Ajo që na ra në sy menjëherë sapo pamë Meghan në altar, ishte kurora e saj me diamante, që shkëlqente.
Si një traditë, kurora ishte e huazuar nga Mbretëresha. Meghan ndoqi gjurmët e Kate Middleton, duke vendosur një kurorë që i përkiste Mbretëreshës, Mary, bashkëshortja e Mbretit Xhorxh V, e cila e bleu këtë bizhuteri prej diamanti nga argjendaria luksoze në Londër, Garrard, në vitin 1925.
Pas vdekjes së saj, kurora u trashëgua nga nusja e saj, Princesha Marina, Dukesha e Kentit. Motra e Mbretëreshës Elizabeth, Princesha Margaret, gjithashtu e ka pasur kurorën.
Kurora është e përbërë nga gurë diamanti dhe platini dhe është e ndarë në 11 seksione, me gurë në formë ovale të madhësive të ndryshme. Qendra e kurorës është një vepër e vërtetë arti e krijuar nga 10 diamante brilante.
Meghan mbante gjithashtu një palë vathë diamanti nga “Galanterie de Cartier”, argjenderia franceze Cartier, së bashku me një byzylyk diamanti “Reflection de Cartier” në dorën e saj të djathtë.
